Public opinion regarding alternative medicine.

’n Steekproef van 47 Blanke Suid-Afrikaners is bestudeer met die oog op hulle ervaringe van en houding teenoor nieortodokse genesers. Die uitslag van die beperkte ondersoek beklemtoon die uiters mitiese aard van wat deurgaan vir wat algemeen bekend is oor alternatiewe praktisyns. Verskeie bedenksels word ondersoek en daar word tot die slotsom gekom dat Blanke Suid-Afrikaners gewoonlik deeglik bewus is van die keuses wat gesondheidsorg hulle bied; dat oor die 50% mense in alle statusgroepe ten minste van een alternatief in die verlede gebruik gemaak het; dat sodanige optrede nie gewoonlik as afwykend beskou word nie; dat dit as hoogs effektief in 69% en goedkoper as mediese sorg in 60% gevalle gevind is. Met die oog op hierdie feite word sekere aanbevelings gedoen.